ភក្ដីស្នេហ៍ពេញបេះដូង
ច្រៀងដោយៈ សាពូន មីដាដា
ផលិតកម្មៈ រស្មីហង្សមាស វ៉ុល២៣១
– ដើម្បីអ្វីទៅអូន ?
១.
ជួបអូនដំបូង បេះដូងបងលង់ស្នេហ៍ស្រី
នៅពេលចរណៃ ស្ងួនអង្គុយលេងម្នាក់ឯង
ក្នុងដួងចិត្តបង ចង់ស្ទុះទៅបីត្រកង
តែមិនហ៊ាន ខ្លាចស្រីអូននាងខឹង ។
២.
ឱពន្លកស្នេហ៍ ឆាបឆេះរោលពេញបេះដូង
មិនដឹងថាស្ងួន គិតដូចបងដែរឬទេ
រាល់វេលា យប់ថ្ងៃស្រមៃតែស្នេហ៍
ទោះមាសមេ មិនស្ដីរកបងក៏ដោយ ។
បន្ទរ.
រាត្រីនេះ ខ្ញុំសូមផ្សងស្នេហ៍
ផ្ញើជូនមាសមេ ថាបងលួចស្នេហ៍ស្រី
លើកអ្វីៗ ប្រគល់ជូនថ្លៃទាំងអស់
នេះក៏ព្រោះ ភក្ដីស្នេហ៍ពេញបេះដូង ។
ភ្លេង.
វគ្គ២. បន្ទរ. ៕
និយមន័យស្នេហ៍
ច្រៀងដោយ ៖ សាពូន មីដាដា
ផលិតកម្ម ៖ រស្មីហង្សមាស
តើអ្វីទៅអាចបញ្ជាក់ថាបងស្នេហ៍ស្រី
លើលោកិយគ្មានស្រីណាអាចផ្ទឹមបានឡើយ
ក្នុងបេះដូងលង់ស្នេហ៍លើពៅទៅហើយ
មាសបងអ្ហើយ បងគិតអូនគ្រប់នាទី ។
រាល់វេលាគ្រប់ដង្ហើមចេញចូលណាអូន
សម្រស់ស្ងួនអង្រួនទ្រូងឲ្យបងញាប់ញ័រ
ដោយក្ដីស្នេហ៍អាណិតមិនប្រែឡើយស្រី
សូមចរណៃយល់ពីភក្ដីស្នេហ៍ស្មោះ ។
តម្លៃស្នេហ៍បងថែរដូចកែវនេត្រា
តើជីវ៉ាប្រាថ្នាឲ្យបងធ្វើអ្វីទៀត?
បើពេលនេះយើងជួបគ្នាមិនដែលឃ្លាត
ពាក្យសូកសៀតអ្នកផ្សេងអូនកុំជឿគេ
។
ពាក្យស្នេហាគឺជាការដែលហ៊ានលះបង់
ហើយស្មោះត្រង់យល់ចិត្តគ្នាជារៀងដរាប
នេះហើយជាចម្លើយឆ្លើយពីបេះដូង ប្រាប់នឹមនួនថាដួងចិត្តបងយ៉ាងណា ។
(ភ្លេង)
តម្លៃស្នេហ៍បងថែរដូចកែវនេត្រា
តើជីវ៉ាប្រាថ្នាឲ្យបងធ្វើអ្វីទៀត?
បើពេលនេះយើងជួបគ្នាមិនដែលឃ្លាត
ពាក្យសូកសៀតអ្នកផ្សេងអូនកុំជឿគេ
។
ពាក្យស្នេហាគឺជាការដែលហ៊ានលះបង់
ហើយស្មោះត្រង់យល់ចិត្តគ្នាជារៀងដរាប
នេះហើយជាចម្លើយឆ្លើយពីបេះដូង ប្រាប់នឹមនួនថាដួងចិត្តបងយ៉ាងណា
ប្រាប់នឹមនួនថាដួងចិត្តបងយ៉ាងណា
។
ដើម្បីអ្វីទៅអូន ?
ច្រៀងដោយ ៖ សាពូន មីដាដា
ផលិតកម្ម ៖ រស្មីហង្សមាស វ៉ុល ២៣១
– ដើម្បីអ្វីទៅអូន ?
១. ដឹងថាអូនឈប់ស្នេហ៍បងហើយប្រលឹង
អូនធ្វើយ៉ាងហ្នឹង ព្រោះតែស្ងួននៅអាណិត
ស្នេហ៍បងចំពោះអូនគឺក្ដីស្នេហ៍បរិសុទ្ទ
តែកាពិតគឺអូនមានរូបគេផ្សេង ។
២. បងមិនយល់ពីជម្រៅចិត្តមាសស្ងួន
មិនដឹងថាអូនធ្វើយ៉ាងនេះមានន័យអ្វី?
បើបងអស់សំខាន់ហើយត្រាណត្រើយប្រាប់មកណាថ្លៃ
កុំឲ្យរូបបងរីងរៃព្រោះស្នេហ៍មិនស្មោះ ។
បន្ទរ. ប្រាប់បងមកព្រលឹង
តើរូបបងនេះខុសអ្វី?
ទើបបានជាថ្លៃប្រែឈប់ស្នេហា
ឬមួយរូបបងក្រ មិនសាកសមនឹងជីវ៉ា
បងស៊ូចាកចេញពីជីវិតអូន ។
៣. ទោះយ៉ាងណាក៏បងសូមជូនពរស្ងួន
កុំឲ្យស្រពោនជួបស្នេហ៍ក្រោយដែលគេស្មោះត្រង់
អានុស្សាដែលកន្លងហួស សូមអូនបំភ្លេចចោលចុះ
កុំស្រណោះនឹកនានាំឈឺចាប់ ។
ភ្លេង.
វគ្គ២. បន្ទរ. វគ្គ៣. ៕
បទៈ
ជាប់បាក់ឌុបចប់ស្នេហ៍
ច្រៀងដោយៈ សាពូន មីដាដា
អាល់ប៊ុមៈ ជាប់បន្ទប់ចប់ស្នេហ៍,
រស្មីហង្សមាស ២៥៦
១. បន្ទប់រៀននេះលែងមានអូនហើយ
ស្ងាត់ទាំងសម្លេងឆ្លងឆ្លើយ ទុកឲ្យបងនៅម្នាក់ឯង
តុធ្លាប់មានអូន ថ្ងៃនេះស្ងួនបាត់ពីកន្លែង រឹតនឹកឲ្យរឹតចំបែង
ប្រលែងត្រឹមក្ដីស្រមៃ ។
២. ស្នេហ៍វ័យសិក្សាវាសនាមិនគាប់
ក្រោយពេលបានប្រលងជាប់ អភ័ព្វព្រាត់ស្នេហ៍ថ្លើមថ្លៃ
គោរពម៉ែឳពាលពៅកាត់ចិត្តទាំងអាល័យ ព្រមតាមពាក្យគេចូលស្ដី
ចរណៃឆ្លើយទាំងទឹកភ្នែក ។
បន្ទរ. បងត្រូវដើរចេញពីអូន
ព្រោះ បងដឹងខ្លួនមិនគួរនៅជ្រែក
ចិត្តស្នេហ៍យ៉ាងណា ត្រូវតែបែងចែក បេះដូងត្រូវហ៊ានពុះហែករំលែកតាមចិត្តពុំងារ
។
៣. លទ្ធផលល្អគាប់បានជាប់បាក់ឌុប
តែស្នេហ៍បែរត្រូវបញ្ចប់ត្រលប់ឲ្យទ្រូងគ្រាំគ្រា
មិនហ៊ានអន់ចិត្ត ទុកមុខរាប់គ្នា តែសូមជូនពរពុំងារ
ស្រលាញ់គ្នាលុះចាស់កោងខ្នង ។
(ភ្លេង
– បន្ទរ – ៣)
បទៈ ជាប់បន្ទប់ ភ្ជាប់បេះដូង
ច្រៀងដោយៈ
សាពូន
មីដាដា
ផលិតកម្មៈ
រស្មីហង្សមាស
ចម្រៀងនឹងដាក់ក្នុងពេលឆាប់ៗនេះ
១. ភ្នែកលួចរំពៃតែថ្លៃមិនដឹងខ្លួន
បេះដូងអង្រួនលាក់ខ្លួនពួនគួចលួចប៉ង
បន្ទប់ជាប់គ្នាជញ្ជាំងតែមួយនឹងបង
បានត្រឹមអង្គុយទល់ខ្នង លាក់បំណងមិនស្ដី ។
២. បងមកពីស្រែអូនមកពីស្រែដូចគ្នា
ចិត្តនឹងការងារមិនរួញរា មិនថាយប់ថ្ងៃ
បន្ទប់ជួលគេ ដាច់ខែសល់ប្រាក់សំចៃ
ត្បិតត្បៀតឆ្លៀតផ្ញើកម្រៃ ម្ដាយថ្លៃយូរថ្ងៃឃ្លាតមុខ ។
បន្ទរ. ជាប់បន្ទប់សុំភ្ជាប់បេះដូង
សុំភ្ជាប់ចិត្តផង បំណងចង់ដឹងសុខទុក្ខ
ញើសយើងអ្នកស្រែ ប្រឹងប្រែប្ដូរស្វែងរកសុខ
ដង្ហើមយើងនៅស្រុកមានម៉ែមានពុករង់ចាំដូចគ្នា ។
៣. បរិយាយម្នាក់ឯងសោកសង្រេងវង្វេងពិត
បងព្រួយបងគិតស្នេហ៍មាសមិត្រអាណិតពុំងារ
ខ្នងផ្អែកជញ្ជាំង និស្ស័យឲ្យបងគ្រាំគ្រា
បន្ទប់យើងជាប់គ្នាសូមចិត្តស្ងួនភ្ញារសូមភ្ជាប់បេះដូង ។
(ភ្លេង – បន្ទរ – ៣)
អរគុណដែលអូនក្បត់បង
ច្រៀងដោយ ៖ សាពូន មីដាដា
នឹកដល់រឿងអាឌិត ជីវិតសែនសង្វេគ សាគរទឹកភ្នែកហូរជ្រែកវង់ភក្ត្រា
គ្មានអ្នកណាយល់ក្រៅពីជីវ៉ា ថាបងចុកផ្សារ សោកាយ៉ាងណាហើយ ។
សម្ដីតែសដៀលបងម្ដងៗស្ទើរក្អួតឈាម សុខចិត្តទ្រាំបៀមលាក់ទុកក្នុងឱរ៉ា
មិនតបមិនខឹងនឹងស្រស់ពុំងារ ជូនពរជីវ៉ា ដល់ផ្លូវដែលអូនប៉ង ។
តែដល់ពេលឥឡូវអរគុណពៅដែលក្បត់បង បែរជាការក្បត់នួនល្អងធ្វើឲ្យបងតស៊ូអត់ធ្មត់
សម្រេចគោលបំណងដែលប៉ងទៅអនាគត ភ្លើងស្នេហ៍កម្មរលត់ជីវិតមានរស្មី
បទពិសោធន៍ជីវិតឈប់ឱបស្រមោលអឌិត ដែលនាំឲ្យចិត្តរឹតស្មុគស្មាញដោះស្រាយមិនបាន
រឿងស្នេហ៍ក្បត់ហួសទៅ កប់ឲ្យជ្រៅក្នុងអវជ័យឋាន ខំបំភ្លេចឲ្យបាន គិតថាជាសូបិន្ត ។
(ភ្លេង)
សម្ដីតែសដៀលបងម្ដងៗស្ទើរក្អួតឈាម សុខចិត្តទ្រាំបៀមលាក់ទុកក្នុងឱរ៉ា
មិនតបមិនខឹងនឹងស្រស់ពុំងារ ជូនពរជីវ៉ា ដល់ផ្លូវដែលអូនប៉ង ។
តែដល់ពេលឥឡូវអរគុណពៅដែលក្បត់បង បែរជាការក្បត់នួនល្អងធ្វើឲ្យបងតស៊ូអត់ធ្មត់
សម្រេចគោលបំណងដែលប៉ងទៅអនាគត ភ្លើងស្នេហ៍កម្មរលត់ជីវិតមានរស្មី
បទពិសោធន៍ជីវិតឈប់ឱបស្រមោលអឌិត ដែលនាំឲ្យចិត្តរឹតស្មុគស្មាញដោះស្រាយមិនបាន
រឿងស្នេហ៍ក្បត់ហួសទៅ កប់ឲ្យជ្រៅក្នុងអវជ័យឋាន ខំបំភ្លេចឲ្យបាន គិតថាជាសូបិន្ត ជាសូបិន្ត ជាសូបិន្ត ។
បុរសម្នាក់ដែលគិតដល់អូន
ច្រៀងដោយ
៖ សាពូន មីដាដា
ខំសន្សំចិត្តលួចស្នេហអូនតែម្នាក់ឯង ទ្រូងអើយចំបែងមិនដឹងជាថ្លែងប្រាប់អ្នកណា
លួងចិត្តខ្លួនឯងស្រមៃថាអូនជាសង្សា តាមពិតជីវ៉ាមិនដឹងខ្លួនថាបងស្នេហ៍អូនឡើយ ។
អូនទុករូបបងជាមិត្តម្នាក់បងក៏ដឹង បេះដូងព្រលឹងសញ្ជឹកសញ្ខឹងគិតគេផ្សេង
ពេលអូនរំឭកពីគេនោះបងសោកសង្រេង កុហក់ខ្លួនឯងខំប្រឹងញញឹមលើកទឹកចិត្តស្រី ។
ទោះបីដឹងថាឈឺផ្សារប៉ុណ្ណាក៏ស៊ូទ្រាំ ដើម្បីមាសមុំជួបមនុស្សដែលស្ងួនអូនស្រលាញ់
បងស៊ូចាកចេញ ចុះចាញ់ចិត្តខ្លួនឯង លាក់ខ្លួនឱបទុក្ខចំបែងកំដរអានុស្សាវរីយ៍ ។
ទោះជាយ៉ាងណាក្ដីស្នេហាជូនអូនហើយ ជូនពរត្រាណត្រើយបានក្ដីសុខនឹងគេចុះ
សូមអូនគិតថាមានបងម្នាក់នៅស្រណោះ ហើយជាបុរសគិតដល់អូនលុះរៀងអើយ ។
(ភ្លេង)
ទោះបីដឹងថាឈឺផ្សារប៉ុណ្ណាក៏ស៊ូទ្រាំ ដើម្បីមាសមុំជួបមនុស្សដែលស្ងួនអូនស្រលាញ់
បងស៊ូចាកចេញ ចុះចាញ់ចិត្តខ្លួនឯង លាក់ខ្លួនឱបទុក្ខចំបែងកំដរអានុស្សាវរីយ៍ ។
ទោះជាយ៉ាងណាក្ដីស្នេហាជូនអូនហើយ ជូនពរត្រាណត្រើយបានក្ដីសុខនឹងគេចុះ
សូមអូនគិតថាមានបងម្នាក់នៅស្រណោះ ហើយជាបុរសគិតដល់អូនលុះរៀងអើយ
ហើយជាបុរសគិតដល់អូនលុះរឿងអើយ ។
